Legenda:
Be anc sgular –
la JU-Air serra ses manaschi da mantegniment (maletg d'archiv).
Keystone
Firmas externas duajan surpigliar en avegnir il mantegniment e las reparaturas dals aviuns tradiziunals da l'interpresa aviatica Ju-Air.
Quai n'è dentant betg l'unic midament, che l'interpresa prevesa: Il schef da la Ju-Air, Kurt Waldmeier (69), dat giu ses post sco schef. El stettia dentant er en avegnir a disposiziun tar dumondas strategicas, scriva la Ju-Air en sia communicaziun. Tgi che vegn a surpigliar il timun n'è anc betg decidì.
Reorganisaziun independenta da l'accident
La reorganisaziun stettia betg en connex cun il accident mortal da l'onn passà scriva la Ju-Air vinavant. Quai ch'ins emprendia ed haja emprendì da l'accident vegnia integrà en la reorganisaziun.
L'avust 2018 eran mortas 20 persunas tar la crudada d'ina Ju-Air tar il Piz Segnas sur Flem.
RR novitads 16:00
