Uschia na possia Pierre Maudet betg pli lavurar vinavant a favur dal chantun Genevra. Quai di la suprastanza da la PLD chantunala.
Perquai pretendia ella cun 21:7 vuschs tar 0 abstenziuns, da Pierre Maudet da demissiunar da sia funcziun sco cusseglier da regenza da Genevra. Maudet duai uss dar tut sia energia per sia defaisa, scriva la partida en ina communicaziun da pressa.
Avant paucs dis aveva gia la PLD Svizra dumandà il cusseglier guvernativ da sa retrair. Cunter Pierre Maudet datti renfatschas en connex cun in viadi dispitaivel ad Abu Dhabi.
RR novitads 09:00
