Papa Francestg na vegn betg sin visita uffiziala da la Svizra politica a Genevra, mabain sin visita tar il Cussegl ecumenic mundial. Lez fa là sia sesida giubilara cun chaschun dals 70 onns ch'il cussegl ecumenic ch'il cussegl ecumenic reunescha 300 baselgias da l'entir mund. Quai però senza che la baselgia catolic-romana saja commembra. Uschia vala la visita sco segn da Papa Francestg per avischinar las differentas religiuns e confessiuns.
Ed era sch'i na sa tracta betg d'ina visita uffiziala, cuntegna il program pulpì era in inscunter cun commembers dal Cussegl federal. Quai tar il bainvegni tras il president da la Confederaziun Alain Berset, accumpagnà da Doris Leuthard ed Ignazio Cassis.
Punct culminant vegn ad esser la messa da Papa Francestg cun 41'000 cartentas e cartents. Quai en las hallas da la Palexpo. Quai che mussa era la popularitad dal papa: Ils tickets 41'000 tickets per la messa èn stads davent aifer paucs dis.
L'ultima giada ch'in Papa è stà sin visita en Svizra è quai stà il 2004 cun Papa Gion Paul 2.
Dapli da la baselgia roman-catolica e da la visita
RTR actualitad 11:00