224 milliuns ovs da bio han Svizzers e Svizras mangià l'onn passà – in nov record. Uschia èn stads 20% dals ovs vendids en Svizra bio, sco l'Uffizi federal d'agricultura ha communitgà.
En tut han producentas e producents svizzers dad ovs vendì passa 1,1 milliardas ovs l’onn passà. Cumpareglià cun il record dal 2021 saja quai levet pli pauc. La cumpart dad ovs vendids svizzers muntia a 69%.
Era il commerzi en detagl ha vendì pli paucs ovs, cumpareglià cun ils onns da pandemia 2020 e 2021. Per persuna èn vegnids consumads 186 ovs – 8 pli pauc che l'onn avant.
Adina dapli persunas privatas tegnan gaglinas
Tenor la Confederaziun tegnan adina dapli persunas privatas giaglinas. Ella stima ch’i dettia entant enfin 70'000 persunas privatas ch’hajan giaglinas. Cunquai ch’ils animals na vegnian betg adina tegnids adequat a la spezia, han la Confederaziun e la Protecziun svizra dals animals lantschà ina campagna d'infurmaziun.
Or da l'archiv:
