Siglir tar il cuntegn

Header

cuntegn

L'onn 2023 Premias da cassas da malsauns vegnan a crescher

Malgrà la pandemia han las cassas da malsauns tegnì las premias dus onns artifizialmain a bass. Quai pudess uss avair consequenzas negativas, ha scrit la «NZZ am Sonntag». Dentant dettia grondas differenzas tranter ils singuls chantuns.

En il chantun Grischun avessan las premias però da crescher per passa 8%, il Tessin perfin per 9%. Quai almain tenor in studi da la firma da cussagliaziun Accenture. La calculazuin na resguardia l'inflaziun che vegn spetgada il 2023. Las entradas da las premias actualas na bastian betg pli per cuvrir ils custs da sanadad, quels creschian fermamain. In media stuessan las premias crescher en tut la Svizra per var 5%. I dat però era chantuns, che vessan dad adatar las premias be per pauc per avair avunda entradas. Tranter els tocca il chantun Giura cun 1,4% e la Glaruna cun be 1%.

audio
Per tadlar curt e cumpact
ord RTR Audio dals 07.08.2022.
laschar ir. Durada: 57 Secundas.

RTR novitads 12:00

Artitgels legids il pli savens