Siglir tar il cuntegn

Header

cuntegn

La giuventetgna Il BAG vul animar cun campagna en medias sozialas

Per animar pli fitg la giuventetgna da sa laschar vaccinar ha l'Uffizi federal da sanadad lantschà ina nova campagna en las medias sozialas. En trais curts uschenumnads «Fail» – videos vul il BAG prender las temas «diffusas» cunter la vaccinaziun.

La vaccinaziun na portia betg mo avantatgs medicinals, mabain er socials. La vita dal mintgadi vegnia simplifitgada, uschia ha ditg Virgine Masserey dal BAG. La rata da vaccinaziun tar giuvenils ha anc potenzial. Tar ils giuvenils tranter 12 e 19 onns èn fin uss 27% vaccinads cumplainamain, tar quels tranter 20 e 29 onns 46%.

Il video dal BAG per animar la giuventetgna

Il video dal BAG per animar la giuventetgna

Dapi la fin d'avust cusseglia il BAG la vaccinaziun per tuts davent da 12 onns. In decurs gravant da la malsogna saja bain rar tar giuvens u giuvnas, ma els duessan vegnir protegids da las consequenzas dal virus, sco per exempel Long Covid. Tgi che saja vaccinà na transmettia betg mo pli pauc il virus, mabain reduceschia er il svilup da novas variantas dal virus, uschia Virgine Masserey.

audio
Per tadlar curt e cumpact
00:59 min, RTR Audio dals 14.09.2021.
laschar ir. Durada: 00:59 minutas.

RTR novitads 12:00

Artitgels legids il pli savens

Scrollar a sanestra Scrollar a dretga