La chasa da medias Ringier ha cumprà tut las participaziuns da la Ringier Axel Springer Svizra SA. Uschia surpiglia la Ringier cumplettamain radund 20 gasettas e magazins sco il Beobachter, la Glückspost u la Handelszeitung. La cumissiun da concurrenza Weko sto anc approvar la cumpra. Davart il pretsch da cumpra na vegn betg communitgà. Fin ussa aveva la gruppa Axel Springer 35% da las aczias da la Ringier Axel Springer Svizra SA.
Ladina Heimgartner nova CEO
Radund milli collavuraturas e collavuraturs vegn la chasa da medias cun il nov num Ringier Medien Schweiz ad occupar, ha ditg il CEO da la Ringier Marc Walder. En las redacziuns na duajan betg vegnir stritgadas plazzas. Nova CEO da quest nov construct daventa Ladina Heimgartner. L'Engiadinaisa è fin ussa stada la CEO da la Gruppa Blick. Avant è ella stada tranter auter directura da RTR.
Or da l'archiv
