Lavina sur Andermatt - Skiunz da variantas mora

En la regiun da skis d'Andermatt en il chantun Uri è vegnì en ina lavina e mort in skiunz da variantas. Sco quai che la polizia chantunala da l'Uri scriva, saja la disgrazia schabegiada dumengia passada en la regiun dal Gemsstock. L'um svedais da 53 onns era ordaifer las pistas uffizialas cura che la lavina ha tschiffà el. Truppas da salvament han chattà il skiunz en il territori da Hohbiel. Per l'um è mintga agid vegnì memia tard.