Il comité ch'è cunter extender la lescha cunter il rassissem avertescha en emprima lingia da censura: Politichers da la Partida populara e da l'Uniun democratica federala pretendan che la libertad d’opiniun fiss uschia periclitada. Per exempel a la maisa radunda, di la cussegliera naziunala Verena Herzog da la PPS.
Pertutgads na vulan nagins dretgs spezials
Ina part da persunas pertutgadas refusa dal tuttafatg da survegnir dretgs spezials. I dovria normalitad per che la populaziun acceptia lesbas, omo-, bi-, trans- ed intersexuals. Dretgs spezials stigmatiseschian talas persunas e mussian talas sco flaivlas, uschia è Michael Frauchiger s'exprimì – el è omosexual, politicher la la PPS e co-president dal comité LGBT «Na a dretgs spezials».
Frauchiger è da l'avis che la disposiziun penala dal mument basta. La suletta mancanza en la lescha saja ch'ins na possia betg proceder legalmain cunter expressiuns ch'èn en general discriminantas. Da schliar questa mancanza saja però difficil, concluda Frauchiger.
Decisiun a l'urna
Il suveran svizzer decida ils 9 da favrer 2020 davart il referendum. L’extensiun da la lescha cunter il rassissem vul proteger persunas omosexualas e bisexualas dad odi e da discriminaziun.
RR novitads 15:00