A Berna ha il comité da referendum sajettà cunter las novaziun ed en spezial cunter l'UE. Els veglian cumbatter ina lescha d'armas che privia Svizras e Svizzers da lur armas han ditg ils adversaris da la lescha.
Attatgas da Paris han distatgà las midadas
Il november 2015, suenter las attatgas terroristicas a Paris ha l'UE adattà il dretg d'armas en ses stadis commembers. I va per meglierar il barat d'infurmaziun, da restrenscher il commerzi d'armas illegal ed er da restrenscher l'access ad armas spezialmain malsegiras. La Svizra sto realisar questas adattaziuns fin il matg 2019, uschiglio smanatscha la fin da la collavuraziun Schengen/Dublin.
Il Cussegl federal ha vulì realisar a moda moderada las adattaziuns, il parlament ha mitigià il sboz en intgins puncts. Betg previs èn restricziuns per possessurs d'armas.
RR novitads 15:00
