Siglir tar il cuntegn

Header

audio
Mezdi: Parlament per schluccar la lescha da chatscha
Or da Actualitad dals 19.09.2019.
abspielen. Laufzeit 03:56 Minuten.
cuntegn

Lescha da chatscha Per il luf vegni stretg

  • Il parlament federal ha approvà in cumpromiss da la conferenza d'intermediaziun per la revisiun da la lescha da chatscha.
  • Sajettar il luf vegn er ad esser pussaivel en territoris da protecziun.
  • L'ultim pled ha dentant probabel il pievel – las organisaziuns per la protecziun da la natira han gia durant la debatta annunzià in referendum.

Er la Partida Socialdemocratica ed ils Verds han annunzià durant la debatta ch'ins vegnia a sustegnair il referendum.

Video
Silva Semadeni: «Nus vegnin a sustegnair il referendum»
Or da News-Clip dals 19.09.2019.
abspielen

En Svizra giauda il luf en il futur damain protecziun. Er auters animals protegids duain vegnir sajettads sch'i smanatscha donns entras els. Betg pertutgads da quai il castur ed il luf-tscherver. Omadus èn vegnids stritgads dal parlament. La lescha dat al Cussegl federal dentant la cumpetenza da dar liber auters animals per la regulaziun.

Sajettar en territoris da protecziun

La dumonda sche lufs dastgan, schi vegnia necessari, er vegnir sajettads en territoris da protecziun ha fin l'ultima votaziun dà da discutar. Las 42 zonas da protecziun en Svizra han en total ina surfatscha da 1500 kilometers quadrat, quai correspunda circa a la grondezza dal chantun Lucerna. Els duain gidar da proteger animals periclitads e lur ambient.

Video
Magdalena Martullo-Blocher: «Malgrà la chatscha avain nus anc adina capricorns en il Grischun.»
Or da News-Clip dals 19.09.2019.
abspielen

La chatscha è scumandada en territoris da protecziun. Sulettamain per mantegnair la varietad da las spezias u per evitar donns da selvaschina poi dar excepziuns. Alura duain animals ch'èn betg protegids vegnir sajettads – quai duai er valair per il capricorn.

Votaziun clera

A la fin ha il Cussegl naziunal approvà la revisiun cun 11 tar 72 vuschs e trais abstenziuns – NA han ditg la PS, ils Verds e la PLD. Il Cussegl dals chantuns ha approvà il cumpromiss cun 25 cunter 8 vuschs e trais abstenziuns.

RR novitads 11:00