Siglir tar il cuntegn

Header

Navigaziun

Luf.
Legenda: Il parlament vul schluccar la protecziun dal luf. Keystone
cuntegn

Sessiun da stad Damain protecziun per il luf

Sajettar il luf duai esser pli simpel en Svizra. Il Cussegl dals chantuns è suandà en puncts cardinals la Chombra gronda.

Uschia duai esser lubì da sajettar il luf per prevegnir a gronds donns u privels concrets per umans. Renunzià ha la Chombra pitschna a la pretensiun che quai dastga pir schabegiar suenter ch'ins ha instradà senza success mesiras da protecziun raschunaivlas cunter il luf.

Er il Cussegl naziunal mida opiniun

Era en in auter punct ha la Chombra pitschna midà opiniun ed è suandada ina proposta dal cusseglier dals chantuns cristiandemocrat Stefan Engler. Numnadamain da limitar il temp durant il qual ins dastga sajettar il luf d'entschatta settember enfin la fin da schaner.

Vinavant differenzas

En dus puncts datti dentant vinavant differenzas tranter las duas chombras. Uschia vul il Cussegl dals chantuns desister da numnar il castur sco animal protegì ch'ins dastga sajettar pli simpel ed ils chantuns na duain vinavant betg esser obligads da renconuscher ils examens da chatscha dad auters chantuns.

RR novitads 18:00