Siglir tar il cuntegn

Header

cuntegn

Lescha da chatscha Vischnancas da turissem sustegnan revisiun

Las vischnancas da turissem en Svizra sustegnan la revisiun da la lescha da chatscha. Quai ha decidì la conferenza dals presidents da vischnancas da destinaziuns turisticas en la muntogna.

Purtret d'in luf
Legenda: Keystone

Per l'ina fetschian ins quitads ch'il luf sa derasia en territoris turistics ed

abitadis. Ils ultims onns saja il dumber da lufs creschì exponenzial, da 10 lufs il 2010 sin uss radund 80 animals. Ins haja er gia vis lufs en territoris da skis, sco per exempel l'enviern passà a Sursaissa.

Per l’autra dettia adina puspè conflicts tranter chauns da protecziun da muntaneras e viandants. En tschertas regiuns en il Vallais hajan ins stuì serrar las sendas da viandar. Autras vischnancas hajan scumandà ils chauns da protecziun ed anc ina giada autras hajan dà si tschertas alps. Quellas creschian uss en e perdian l'attractivitad per il turissem.

La revisiun da la lescha da chatscha pussibiliteschia in «in sper l’auter» d'animals da rapina gronds e turists. Il mument fan 45 vischnancas da turissem en regiuns da muntogna part da quella conferenza.

audio
Per tadlar: Las novitads da las 12:00 uras
ord RTR Audio dals 13.08.2020. Maletg: RTR
laschar ir. Durada: 6 minutas 32 Secundas.

RTR novitads 12:00

Artitgels legids il pli savens