La branscha da cudeschs svizra sa tegna ensemen per sustegnair auturas ed auturs, sco er editurs, che pateschan da la pandemia. Quai cun il project «Liber» da l'Associaziun svizra dals librarists ed editurs. En il rom da quest project pon ins cumprar bons per 30 u 60 francs che valan pli tard 50 respectivamain 100 francs. La differenza vegn ord in fond, che chantuns, citads e fundaziuns han pajà.
Cun quests daners vulain nus cuntinuar quai che la pandemia ha bloccà.
Profitar da questa acziun duai il commerzi da cudeschs, chasas edituras ed er auturs ed auturas sco tar la vendita normala da cudeschs. Cun las entradas vul ins dentant era stgaffir in ulteriur fond che duai vegnir duvrads per projects per auturs ed auturas u chasas edituras.
