Coop lantscha cun il num Livique da nov sia fatschenta cun mobiglias. Sia marca Toptip svanescha, fin la fin dal settember han tuttas filialas il nov num. Sco quai che Coop communitgescha, na vegnia betg mo midà il num, er il concept da Livique sa midia fitg.
Tenor Joos Sutter, il schef da Coop, vegl'ins colliar ils avantatgs da la fatschenta staziunara cun questa dal martgà online. Fin uss è Coop cun Toptip il numer quatter dal martgà da mobiglias svizzer.
RR novitads 12:00
