L'interpresa da logistica Planzer surpiglia ils servetschs da posta Quickpac e Quickmail cun total radun 4'000 collavuraturs e collavuraturas. Quai ha Planzer communitgà la gievgia sin sia pagina d'internet. Ina surpigliada da la gruppa Quickmail tras la Posta ch'era planisada avant, aveva la cumissiun da concurrenza scumandà il schaner.
Planzer veglia sco nov proprietari procurar vinavant in'alternativa a las structuras statalas en il martgà da brevs liberalisà, scriva Quickmail en in'ulteriura communicaziun. Planzer vul manar vinavant Quickmail sco marca ed organisaziun autonoma. Quickpac percunter duai en l'avegnir vegnir integrà en «Planzer Paket». Uschia duain clientas e clients pudair profitar da nov d'ina logistica da pacs naziunala.
