A Losanna han il mardi saira, schazegià 2'000 persunas demonstrà cunter il certificat da covid. Clamà a la manifestaziun ha in'organisaziun da studentas e students che sa dosta cunter l'obligatori dal certificat a scolas autas. Durant la demonstraziun hani scandà libertad e pretendì ch'il minister da sanadad Alain Berset sa retiria. La demonstraziun n'ha gì nagina lubientscha. I n'ha dà nagins incaps.
Cumenzament senza incaps
La demonstraziun è stada organisada cun chaschun da l'entschatta da l'onn academic en il Vad. A l'Universitad e la Scola politecnica federala (EPFL) a Losanna haja l'onn cumenzà senza pli gronds incaps e da buna atmosfera; quai tenor atgnas indicaziuns. A l'Universitad da Losanna èn immatriculads radund 16'908 studentas e students ed a la Scola politecnica federala (EPFL) 11'572.
