La Festa federala da tir a Lucerna duai avair lieu. Quai han ils organisaturs decidì ensemen cun la Federaziun svizra dal sport da tir. La festa ha lieu dals 12 da zercladur fin ils 11 da fanadur.
Pervia da la situaziun intscherta da la pandemia vegnia la concurrenza naziunala manada tras a moda decentrala. Quai è l'emprima giada ch'ina festa ha lieu en quella furma. Ils var 40'000 tiradurs e tiraduras vegnan ad absolver il program en lur stans da tir a chasa. Ils resultats vegnan lura purtads ensemen en la centrala a Lucerna.
Il tir d'avertura vegn ad esser ils 5 da zercladur ad Emmen – quai dentant cun in dumber da participantas e participants limità. L'event vegn er emess via livestream.