Plitost enconuschent per la fradaglia ha il favrer cumenzà cun temperaturas nunusità autas. A Biasca en il Tessin èsi vegnì mesirà 24,1 grads, a Grono en il Mesauc 23,5 grads. Las temperaturas minimalas dals ultims dis sajan stadas datiers da records, annunzia MeteoSvizra.
En la Bassa ha il termometer mussà il glindesdi a bun'ura temperaturas tranter 11 e 13 grads. A Lucerna ha l'aura chauda ed umida da l'Atlantic auzà las temperaturas perfin sin 13,3 grads. Tenor MeteoSvizra èn quellas temperaturas pli autas che quai ch'ins mesira normalmain en la citad a la riva dal Lai dals Quatter Chantuns.
La temperatura media dals ultims onns è tar 1,4 grads. L'uffizi federal da meteorologia e climatologia discurra dad in'unda da chalira amez l'enviern.
RTR novitads 17:00
