En tut han ins pajà il 2019 85 milliuns francs per donns, communitgescha l’Institut federal per guaud, naiv e cuntrada. Il 2018 avevi anc vis ora different cun donns da malauras da 200 milliuns francs. E cumpareglià cun ils bunamain 50 onns che l’institut analisescha ils donns – è l’onn passà rangà sin plaz 30.
Malauras han era procurà en il Grischun per donns l'onn 2019, uschia il mez avust en la Val d'Avras. Plirs dis è la via d'access stada serrada, suenter che crappuns era sballunads sin via.
Svizra franzosa il hotspot 2019
Vis sur l'entira Svizra hai dà l'onn passà ils pli auts donns da malauras en ils chantuns Genevra, Vad e Neuchâtel. Pliras giadas donns han ins plinavant registra sin l'Axenstrasse a lung dal Lai dals quatter chantuns.