Las lavurs da rumida vi da la via en la Val d'Avras fan bun progress. Perquai quintan ils responsabels da puspè pudair avrir la via damaun, ils 17 d'avust a las 12:00. Quai scriva l'Uffizi da construcziun bassa sin sia pagina d'internet.
Suenter ferma plievgia era il glindesdi vegnida giu crappa sin la via tranter Calantgil/Innerferrera e Cresta. Per gist cumenzar a rumir la via eri lura stà memia malsegir.
RR novitads 06:00