Legenda:
Era en il Grischun han las malauras cun dratgadas, granella ed inundaziuns adina puspè procurà per tensiun.
RTR sil punct
Malauras han chaschunà l'onn passà en Svizra donns da passa 450 milliuns francs – tant sco mai pli dapi il 2007. Lura muntavan ils donns a 700 milliuns francs ed il 2005 schizunt a trais milliardas francs.
La raschun principala per ils auts custs per l'onn passà èn stadas las innundaziuns duront il zercladur e fanadur dal 2021. Tenor indicaziuns da l'Institut federal per la protecziun da guaud, naiv e cuntrada (WSL) sajan quellas stadas responsablas per 97% dals custs. Spezial durant la stad passada èn pliras malauras suandadas curt ina suenter l'autra. Tenor il WSL dettia quai strusch ina regiun tranter il Lai da Genevra ed il Lai da Constanza che na saja betg stada pertutgada da las malauras.
