Ils svilups al martgà da finanzas valiteschan ellas uss considerablamain pli positiv che anc avant in onn. Tenor il barometer da bancas, che l’interpresa da cussegliaziun EY ha publitgà, quintan dus terzs da las bancas dumandadas che l’inflaziun na crescha betg pli fitg che dus pertschient en Svizra. Il barometer da bancas sa basa sin ina retschertga tar 90 persunas ord la direcziun da differentas bancas.
La gronda part da las bancas spetgan tant a curta vista sco era a lunga vista in svilup positiv da lur fatschentas operativas. En la fatschenta da credit en Svizra n'han ins fin uss strusch registrà perditas. Las bancas na quintan betg cun in creschament da l'inflaziun en Svizra. En auters pajais è il martgà da finanzas pertutgà d'ina inflaziun spontana. Tenor las bancas svizra n'è la Svizra betg pertutgada da quest creschament.
