La chauma a l’eroport da Genevra è terminada. I saja vegnì chattà ina cunvegna cun la direcziun da l'interpresa da controlla Denata.
Il manaschi a l’eroport da Genevra è stà disturbà al cumenzament dal di. Quai pervia da che ina part dal persunal a terra ha fatg chauma. Quai ha communitgà il gestiunari da l’eroport sin sia pagina d’internet. Perquai che discurs davart las cundiziuns da lavur hajan fatg naufragi, haja il persunal da la firma da spediziun Dnata cumenzà da far chauma. Quai ha annunzià il sindicat VPOD.
5% dapli paja
Tranter auter ha il sindicat pretendì ch’il persunal a terra survegnia 5% dapli paja. Denata occupescha radund 600 persunas a l’eroport da Genevra. Ellas èn tranter auter responsablas da dar or ils bigliets e da transportar tant passagiers sco er bagascha.
Or da l'archiv
