En l'entira Europa mancan il mument medicaments per uffants e giuvenils. I stoppia perquai tant pli spert vegnir prendì mesiras per schliar il problem. Quai pretendan uniuns da medis d'uffants da la Svizra, la Germania, l'Austria, la Frantscha e l'Italia en ina brev averta als ministers da sanadad.
Las medias ed ils medis averteschan ch'i na saja cun la mancanza acuta betg pli pussaivel da tractar ils uffants sco quai ch'i tutgass e sco las lingias da terapia pretendan.
Medicaments na sa laschian betg barattar cun medicaments da creschids
Anc avant paucs onns n'avessan ins betg pudì s'imaginar ch'ina tala mancanza pudess periclitar il provediment d'antibiotica e medicaments cunter il mal u er vaccins.
Uffants e giuvenils dovrian paucs e relativamain bunmartgads medicaments. Quels na sa laschian betg exnum barattar cun medicaments per creschids.
