Ils proxims dus fin trais onns dettia problems massivs: I na stettian betg pli avunda medis e medias a disposiziun per garantir il provediment da la populaziun. En consequenza saja da quintar cun temps da spetga da plirs mais per survegnir in termin tar il medi da chasa u tar ina spezialista.
En cas da cancer vegn quai ad esser rigurus.
En tscherts cas vegnan ils tractaments pli intensivs, perquai ch'els cumenzian pli tard. Quai na saja betg mo engrevgiant per las pazientas e per ils pazients, mabain vegnia er ad avair consequenzas sin las pussaivladads da terapia. Perquai pretenda Philippe Luchsinger, president da l'uniun svizra dals medis da chada e d'uffants dapli plazzas da furmaziun da medias e medis.
Èsi gia memia tard da remediar?
Tenor Luchisnger avain nus manchentà da scolar medias e medis a temp. Perquai pretenda el dapli plazzas da furmaziun da medias e medis. La Confederaziun haja bain lantschà avant 10 onns cun 100 milliuns francs in'offensiva da scolaziun ed uschia augmentà il dumber da plazzas da studi a 1'350. Ma quai na bastia betg per cuvrir il basegn. I giaschia als chantuns da porscher dapli plazzas da studi. Ma l'Universitad da Turitg per exempel ha gist decis da betg porscher dapli plazzas da studi quest onn.