Il concern da mangiativas Hero vul serrar la partiziun da pachetadi da confitura a Lenzburg en il chantun Argovia. 55 collavuraturas e collavuraturs èn pertutgads.
Il departament chantunal da l'economia publica da l'Argovia saja infurmà. I sa tracti d'ina relaschada da massa. Perquai vegnia averta ina procedura da consultaziun.
Il num Hero na vegnia dentant betg a svanir da Lenzburg – independent dal resultat da la consultaziun. Il quartier general global vegnia a restar en la citad, nua che Hero è vegnì fundà avant 137 onns.
Hero occupa radund 4000 persunas sin tschintg continents. 200 lavuran actualmain anc a Lenzburg.
audio
Per tadlar: las novitads da las 17:00
ord RTR Audio dals 20.09.2023.
laschar ir. Durada: 4 minutas 19 Secundas.
