La Banca naziunala svizra intervegn er vinavant al martgà da devisas per flaivlentar il ferm franc. Quai ha ditg il president da la banca naziunala, Thomas Jordan, en in’intervista cun il magazin d’economia ECO da SRF. Actualmain sajan questas intervenziuns fitg impurtantas, perquai ch’i dettia grond squitsch sin il franc pervi da la crisa da corona.
Pir da curt avevan ils Stadis Unids renfatschà a la Svizra da manipular il martgà da devisas. Quai n’haja dentant nagina influenza sin la politica monetara da la Svizra – ha suttastritgà Jordan.
