Siglir tar il cuntegn

Header

cuntegn

Martgà da lavur Puspè dapli plazzas en Svizra

Las interpresas svizras han in’ulteriura giada stgaffì dapli plazzas. Il davos quartal dal 2022 è il dumber da plazzas creschì per 2,3%, cumpareglià cun l’onn avant. Quai è il setavel augment en fila.

En tut ha la Svizra dumbrà il davos quartal da l’onn passà bunamain 5,4 milliuns emploiadas ed emploiads. Quai communitgescha l’Uffizi federal da statistica. En tut las regiuns grondas mussa il svilup da l’occupaziun ensi. L’augment è tranter 1,9% en las regiuns dal Lai da Genevra e da l’Espace Mittelland, e 3,7% en il Tessin.

L’ultim quartal da l’onn n’èn da l’autra vart passa 121’000 plazzas da lavur betg stadas occupadas. Cumpareglià cun avant in onn hai dà radund 18% dapli plazzas libras.

Vista optimistica

Bunamain mintga setavla interpresa svizra quinta d’augmentar a curta vista ses persunal, scriva l’Uffizi federal da statistica. E sulettamain var 3% planiseschan da reducir plazzas. Vitiers planschan 40% da las interpresas svizras d’avair problems da chattar persunal.

audio
Per tadlar: las novitads da las 12:00
ord RTR Audio dals 24.02.2023.
laschar ir. Durada: 5 minutas 50 Secundas.

RTR novitads 11:00

Artitgels legids il pli savens