Siglir tar il cuntegn

Header

Navigaziun

cuntegn

Material explosiv Anteriur deposit da l'armada a Mitholz duai vegnir neutralisà

L’anteriur deposit da muniziun da l’armada a Mitholz en la Surselva bernaisa, duai vegnir neutralisà uschè spert sco pussaivel. Il Cussegl naziunal ha approvà ina moziun che pretenda quai.

La ministra da defensiun Viola Amherd aveva avant recumandà da refusar la moziun. Il Cussegl federal na possia il mument betg garantir da rumir il deposit uschè spert e senza privel. Quai perquai ch'il ristg d'ina explosiun creschia marcant sch'ins cumenzia cun lavurs da rumida. In rapport intermediar cun recumandaziun duai vegnir fatg fin suenter las vacanzas da stad. Gia uss sappia Amherd dir che las mesiras recumandadas cumpiglian da neutralisar cumplet u almain per part il deposit.

Il 1947 avevi dà explosiuns en il deposit. 9 persunas eran mortas. Dapi lura hai anc adina tschients tonnas material explosiv en l’implant.

RR novitads 16:00