La maturitad professiunala è cuntanschibla en intgins chantuns pli tgunsch ch'en auters. Chantuns pon decider sez davart las cundiziun che las persunas cun emprendissadi ston ademplir per pudair far la maturitad professiunala.
In studi da la Scol'auta federala per la furmaziun professiunala mussa che las schanzas da far la maturitad professiunala dependan era da las cundiziuns d'admissiun. Sch'in examen è necessari, disdeschan dapli scolaras e scolars da far la maturitad professiunala.
Cundiziuns d'admissiun influenzeschan schanzas da furmaziun
Sch'in discurs tanscha per in'admissiun per far la matura professiunala èn las schanzas pli grondas. Per exempel saja la schanza 5% pli auta da passar ils examens da maturitad professiunala sch'ins ha be stuì avair ina tscherta media da notas, cumpareglià cun las schanzas da passar sch'ins ha stuì passar in examen d'admissiun.
En summa frequenta in quart da las persunas cun in emprendissadi la maturitad professiunala. Quai variescha dentant fitg tranter ils chantuns. En il chantun Sviz en quai be 16%, en il Tessin 42%.
