En vista al mazzament, ha la Svizra, che represchenta ils interess dals Stadis Unids en l’Iran, appellà a las partidas da conflict da betg laschar escalar il conflict. Quai ha confermà il Departament d’affars exteriurs envers l’agentura da novitads Keystone-SDA.
In delegà svizzer saja vegnì cità en il ministeri da l'exteriur a Teheran. Entant èn ils Stadis Unids sa giustifitgads per lur acziun: Els na veglian betg ina guerra cun l’Iran, dentant n’acceptian els betg che la vita da burgais americans vegnian periclitads. Quai ha ditg il minister da l’exteriur, Mike Pompeo, en la televisiun.
RTR novitads 17:00