Siglir tar il cuntegn

Header

cuntegn

Medias svizras Adina damain entradas da reclamas

Las entradas da reclama tar prest tuttas medias tradiziunalas èn l'onn passà puspè sa reducidas. Quai resulta dad in'enquista da la fundaziun svizra per statistica da reclama. Total èn las entradas sa reducidas il 2019 per 2,5% sin stgars 4,5 milliardas francs.

Repartì tenor secturs, ha la pressa da print fatg la pli gronda svieuta, quai cun 924 milliuns francs. Quai è dentant er ina reducziun, numnadamain per 8,4%, cumpareglià cun l'onn avant.

Tar ils emetturs da televisiun èn las entradas da reclama sa reducidas per 8,1% sin 704 milliuns francs. Restada bunamain stabila è dentant la svieuta cun reclamas da radio – quai cun 144 milliuns francs, in minus da 0,3%.

audio
Per tadlar: Las novitads da las 12:00
ord Novitads dals 27.05.2020. Maletg: RTR
laschar ir. Durada: 5 minutas 32 Secundas.

RTR novitads 09:00

Artitgels legids il pli savens