Pèrs maridads che vulan survegnir uffants duaian savair sa gidar sche la dunna n'è betg fritgaivla. La cumissiun dal Cussegl dals chantuns vul legalisar la donaziun da cellas d'ovs a talas dunnas. La decisiun en la cumissiun saja crudada cun 6 encunter 5 vuschs, communitgeschan ils servetschs dal parlament. Sco proxim sa fatschenta il Cussegl dals chantuns cun la fatschenta.
Umens e dunnas duaian vegnir tractads tuttina pertge la reproducziun cun donaziuns da sems è gia lubida e vegn pratitgada. Sche la lescha entra en vigur, e sche gea cura, n'è betg cler. I saja fitg probabel ch'i dettia in referendum.
