Memia bler pais – memia pauc fritga e verdura

En Svizra paisa bunamain mintga segunda persuna memia bler ed i vegn mangià memia pauc fritga e verdura. A quest resultat vegn menuCH, in studi naziunal davart ils usits da mangiar, baiver e moviment.

Purtret da dus persunas che dattan in a l'auter maila enta maun. Davosvart il stan cun la fritga. Bild in Lightbox öffnen.

Legenda da maletgs: Fritga e verdura vegnan consumà memia pauc dals Svizzers. Keystone

Per menuCH èn vegnidas dumandadas radund 2'000 persunas. L'analisa dal body mass index da questas persunas ha mussà che 54% han in pais dal corp normal. 44% èn dentant pertutgadas d'ina surpaisa. Tar ils umens è il dumber da persunas ch'è pertutgà da surpaisa dapli che dubel uschè aut sco tar las dunnas. Mo circa 2% da la populaziun èn pertutgads da pesar memia pauc. Là èn dunnas pertutgadas trais giadas uschè ferm sco ils umens.

«5 a di» è l'excepziun

9 da 10 persunas han inditgà da mangiar ina u pliras giadas a di in fritg u legums. Bun trais quarts da la populaziun mangia trais enfin quatter giadas a di fritga u verdura. Sulet 13% mangian tenor il cussegl «5 a di», vul dir tschintg purziuns fritga u verdura mintga di.

RR novitads 14:00