Siglir tar il cuntegn

Header

cuntegn

Mesiras da corona Quai è puspè pussaivel: la survista

A partir dals 19 d'avrigl schlucca il Cussegl federal las suandantas mesiras:

purtret cun las schluccadas.
Legenda: RTR

Restaurants e bars pon puspè avrir: I vala dentant in obligatori da seser e la mascrina po be vegnir messa giu durant consumar. Per maisa pon seser maximal quatter persunas. Da tuttas persunas ston las datas da contact vegnir registradas. Tranter las maisas dovri ina distanza d'almain 1,5 meters u ina paraid per separar. Discotecas e locals da sautar restan serrads. La branscha da gastronomia vegn dentant vinavant sustegnida, perquai ch'ella na po be cun las terrassas betg cuvrir ils custs.

Occurrenzas cun public: Cun restricziuns èn occurrenzas puspè pussaivlas. En general vala anc adina in maximum da 15 persunas per occurrenzas. Per occurrenzas cun public vala giuadora in dumber maximal da 100 persunas – per exempel tar gieus da ballape u concerts d'openair – endadens 50 persunas – per exempel per kinos, teaters u concerts. Plinavant vala ina restricziun che maximal in terz da la capacitad dal local po esser occupada. Ins sto seser e purtar mascra. Tranter ils osps stoi avair almain 1,5 meters distanza u in sez liber. Da consumar durant las producziuns è scumandà ed i vegn cusseglià da betg far pausas.

Implants publics u manaschis pon avrir endadens: Zoos ed er curtins botanics pon avrir cumplainamain. Endadens èsi da purtar mascrinas e la distanza è da tegnair en. L'intern da bogns publics e da wellness restan dentant serrads.

Activitads sportivas per creschids: Cun maximal 15 persunas pon era puspè occurrenzas da sport avair lieu. Quai munta er che concurrenzas d'amaturs èn puspè lubidas. Ordadora èsi u da purtar ina mascrina u da tegnair almain 1,5 meters distanza. Endadens èsi da purtar mascra e tegnair distanza.

Preschientscha a scolas autas: Las Scolas autas pon puspè instruir al lieu, dentant cun restricziun che maximal 50 persunas èn preschentas e che maximal in terz da la capacitad po esser occupada ed i vala obligatori da mascrinas e da distanza.

Nagina quarantina per interpresas che testeschan: Sche almain 80% dals collavuraturs e las collavuraturas sa laschan testar ina giada l'emna, lura pon las interpresas desister da la quarantina da contact.

Questas mesiras valan anc adina
Legenda: RTR

RTR novitads 15:00

Artitgels legids il pli savens

Scrollar a sanestra Scrollar a dretga