Siglir tar il cuntegn

Header

video
Il Cussegl federal propona 2G, ed ulteriuras novas mesiras
Or da Telesguard dals 10.12.2021.
laschar ir. Durada: 2 minutas 21 Secundas.
cuntegn

Mesiras en consultaziun 2G e mascrina – u serrar ustarias, bars e bogns

Il Cussegl federal vul esser pront per prender spertas decisiuns, per il cas che la situaziun da corona daventass anc pli tendida. Actualmain saja la situaziun fitg critica, e quest trend haja num da rumper – ha ditg il president da la Confederaziun Guy Parmelin. Anc na saja betg memia tard da prender il squitsch dals ospitals.

video
Il president da la Confederaziun: «Las reglas èn cleras»
Or da News-Clip dals 10.12.2021.
laschar ir. Durada: 37 Secundas.

En la sesida da venderdi ha il Cussegl federal decidì da proponer duas variantas cun mesiras pli fermas. Fin mardi trametta el en consultaziun quellas.

Las duas variantas

Varianta 1:

  • d’introducir la regla da 2G per spazis endadens – cun l’obligatori da purtar mascrina e da seser
  • che l'access a manaschis da cultura, sport e temp liber, ustarias ed occurrenzas fiss sulettamain avert a persunas vaccinadas u guaridas
  • e là nua ch’i n’è betg pussaivel da purtar mascrina u da consumar cun seser, sco en bars e discos e tar tschertas activitads dal temp liber – duvrassi supplementarmain in test da corona negativ. Quai è la regla 2G plus.

Varianta 2:

  • sco l'emprima varianta prevesa quella er ina regla 2G cun obligatori da mascrina
  • dentant vegnissan auter che tar la varianta 1 serradas tut las ustarias endadens, discos, bars e centers da fitness – sco er auters spazis serrads nua ch'i n'è betg pussaivel da purtar mascrina.

Tar omaduas variantas augmentass il Cussegl federal er las mesiras da basa – per exempel cun far obligatori da lavurar da chasa anora, e cun limitar inscunters privats.

video
Berset: «Betg esser memia baud, e betg memia tard è la sfida»
Or da News-Clip dals 10.12.2021.
laschar ir. Durada: 1 minuta 18 Secundas.

Limità voluntarmain las capacitads

Il commerzi en detagl ed ils territoris da skis han restrenschì dad els anora las capacitads – per limitar il privel da derasar il coronavirus en lur secturs. Ord questa raschun desista il Cussegl federal actualmain, da prevair dapli mesiras en questas branschas.

audio
Il Cussegl federal propona 2G ed ulteriuras mesiras
ord Actualitad dals 10.12.2021.
laschar ir. Durada: 4 minutas 36 Secundas.

Surpigliar ils custs da tests

Suenter ch'il parlament ha decidì che la Confederaziun duai surpigliar ina gronda part dals custs per ils tests dal coronavirus, trametta il Cussegl federal uss en consultaziun sia proposta co adattar l'ordinaziun. La finamira fiss ch'il nov sistem dals custs da testar giess en vigur sonda ils 18 da december.

La Confederaziun duai da nov pajar tests svelts antigen e tests da PCR sin basa da spida en gruppa. Betg pajads vegnan tests da PCR singuls, autotests e tests sin anticorpuls che n'han nagina indicaziun medicinala u epidemiologica. Cun surpigliar ils custs per tests PCR singuls vegnissan ils labors fitg sut squitsch, ed autotests e tests sin anticorpuls n'èn tenor il Cussegl federal betg decisivs per cumbatter la pandemia.

Reacziuns fitg differentas

Perina èn uniuns e partidas sulettamain ch'i na dastgia betg dar in ulteriur lockdown, er betg in parzial en Svizra. Uschiglio èn las reacziuns sin las propostas ch'il Cussegl federal ha tramess en consultaziun per dar dumogn a la pandemia fitg differentas.

audio
Per tadlar curt e cumpact
ord RTR Audio dals 11.12.2021.
laschar ir. Durada: 1 minuta 6 Secundas.

RTR novitads 15:00

Artitgels legids il pli savens