Siglir tar il cuntegn

Header

cuntegn

Midada sin entschatta 2023 Ospital chantunal surprenda manaschi da l'ospital Walenstadt

La surdada dal manaschi da l'ospital Walenstadt capita l'emprim da schaner 2023. Davent da lura maina l'Ospital chantunal dal Grischun il manaschi.

La recepziun d'urgenza, las prestaziuns da dialisa e chemoterapia restan avertas senza interrupziun. Dentant èn las salas d'operaziun serradas dals 23 da december 2022 fin ils 3 da schaner 2023. A partir dal cumenzament da l'onn duain tut las purschidas lura ir en funcziun, ils 9 da schaner duai lura il manaschi ordinari en l'ospital cumenzar.

Tscherta cuntinuitad è dada

Il cussegl dal chantun da Son Gagl aveva approvà la vendita da l'ospital Walenstadt la stad 2022. Da las 231 plazzas po l'anteriur persunal tegnair 154. L'Ospital dal chantun Grischun occupa ulteriuras 31 plazzas cun agen persunal.

L'ospital da Walenstadt
Legenda: Ospital da Walenstadt. Keystone

Il chantun Son Gagl sustegna il manaschi d'urgenza da 24 uras cun 1 milliun francs per onn. Vinavant posseda il chantun Son Gagl il dretg da cumprar l'immobiglia sco emprim. En cas d'ina vendita tras l'Ospital chantunal Grischun dastga il chantun prender il gudogn per sasez.

audio
Per tadlar: las novitads da las 10:00
ord RTR Audio dals 08.12.2022.
laschar ir. Durada: 3 minutas 3 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga