Persunas cun problems psichics survegnan en il futur a moda pli simpla e svelta access a terapias psicoterapeuticas. Il Cussegl federal ha decis che l’assicuranza da basa paja era ina terapia tar ina psicoterapeuta u in terapeut che lavura sco independent. Quai sch’il medi da chasa ordinescha quai. Oz paja l’assicuranza da basa la psicoterapia tar ina psichiatra u psichiater u sche quel ordinescha quai.
Svilup per la populaziun
Che las terapias vegnan en futur pajadas da l'assicuranziun da basa sch'in media u ina media ordineschia quai, saja in svilup. Il provediment en il sectur sanadad vegnia a sa migliurar. Quai oravant tut per uffants e giuvenils en regiuns da la champagna nua ch'i haja memia paucs plaz da terapia. Tras la midada possian ins reducir stretgas en situaziuns da crisa e d’urgenza, uschia il Cussegl federal.
Ord l'archiv
Surtut uffants e giuvenils sco era creschids en situaziuns da crisa duain survegnir pli svelt ina psicoterapia.
