La dumengia vegnan cun il midament sin temp d'enviern tschentadas las uras en quasi l'entira Europa enavos per in'ura. Quai capita la damaun marvegl da las 03:00 sin 02:00.
La midada da l'ura ha gia adina gì aderents ed adversaris. Tenor ina enquista il 2018 avevan ils adversaris perfin furmà ina maioritad en l'Uniun europeica, Ed era en Svizra hai dà resistenza cunter la midada da l'ura duas giadas l'onn.
Dentant n'è l'iniziativa per abolir la midada betg reussida. Quella era vegnida lantschada l'avrigl 2019.
Temp d'enviern è il temp da «standard»
Avrir la boxSerrar la box
Il temp da stad è vegnì lantschà il 1973 en l'Europa pervi da la crisa dad ieli; quai cun il patratg da spargnar energia. Cun spustar il temp vulev'ins gudagnar in'ura glisch dal di. La Svizra ha introducì il temp da stad il 1981 per s'adattar als pajais vischins.