L'iniziativa per la neutralitad è lantschada. Quai scriva il Fegl uffizial federal. Per l'iniziativa che vul scumandar a la Svizra da far part ad allianzas da defensiun e da sa participar a sancziuns pon ins uss dar giu suttascripziuns. Iniziantas èn la Pro Svizra – l'organisaziun che succeda a l'acziun per ina Svizra independenta «AUNS» – sco er uniuns criticas enver l'UE. Ils iniziants e las iniziantas han temp da rimnar las 100'000 suttascripziuns necessarias enfin ils 8 da matg 2024.
L'iniziativa per il «mantegniment da la neutralitad svizra (iniziativa per la neutralitad)» vul agiuntar a la Constituziun svizra ils suandants puncts:
– Art. 54a Neutralitad svizra
- La Svizra è neutrala. La neutralitad è perpetna ed armada.
- La Svizra na daventa betg commembra dad ina coaliziun da militar u defensiun. Resalvada è la cooperaziun cun ina tala coaliziun per in cas d'ina attatga militara directa sin la Svizra u per il cas dad acziuns preparativas per ina tala attatga.
- La Svizra na sa participescha betg a confruntaziuns militaras tranter stadis terzs e na decida naginas mesiras da sforz nunmilitaras cunter ils stadis da guerra. Resalvadas èn obligaziuns envers l'Organisaziun da las Naziuns Unidas (ONU) sco era mesiras per impedir la guntgida da mesiras da sforz nunmilitaras dad auters stadis.
- La Svizra nizzegia sia neutralitad perpetna per impedir e schliar conflicts e stat a disposiziun sco intermediatura.
audio
Per tadlar: las novitads da las 11:00
ord RTR Audio dals 08.11.2022.
laschar ir. Durada: 3 minutas 18 Secundas.
