En Svizra duai il pievel decider co che la neutralitad duai vegnir definida en l'avegnir. Quai proponan tenor la «SonntagsZeitung» plirs parlamentaris – tranter auter il Cusseglier naziunal turitgais da la PLD, Hans-Peter Portmann. Concret duain vegnir preschentadas al pievel novas leschas che vegnan elavuradas da la cumissiun per la politica da l'exteriur dal Cussegl naziunal e che vegnan suenter en il parlament. Portmann ha dumagnà tras ina dumonda correspundentas en la cumissiun.
Er sche la neutralitad è francada en la Constituziun – en las leschas mancan definiziuns co la Svizra duai sa cumportar neutral. Che la neutralitad stoppia vegnir definida da nov, èn politicras e politichers da dretg fin sanester da l'opiniun.
