Siglir tar il cuntegn

Header

cuntegn

Migros pli profitabla Il detaglist ha fatg in tschintgavel dapli gudogn

La Migros ha l'onn passà gudagnà dapli ed ha era lavurà pli profitabel cun laschar davent effects spezials da l'onn 2020. Sut il stritg è il gudogn net creschì l'onn passà per 20,5% sin 668 milliuns francs, sco la Migros ha communitgà.

Er la profitabilitad ha l'interpresa pudì augmentar gia per la quarta giada en fila. Il gudogn da fatschenta munta a 800 milliuns francs, in augment da 11,4%. Quai saja gartegià malgrà ch'impurtantas spartas sco viadis, gastronomia e fatschentas en connex cun il temp liber hajan danovamain patì.

Svieuta da bunamain 29 milliardas francs

Gia il schaner ha il detaglist annunzià las cifras da svieuta dal 2021. La svieuta è sa reducida sin 28,9 milliuns francs, en cumparegliaziun cun las 29,8 milliardas francs il 2020.

Migros resta dominatur sin il martgà

Il gigant oransch resta vinavant il pli grond patrun privat en Svizra. 97'541 persunas èn stadas emploiadas il 2021 – l'onn avant eran quai prest 2'000 dapli. Per la sminuiziun è responsabla la vendita da da Globus e Saviva, sco er il sbassament en la sparta da viadis. Dentant ha la Migros stgaffì pli che 1'000 plazzas novas, oravant tut tar il commerzi online.

RTR novitads 11:00

Artitgels legids il pli savens

Scrollar a sanestra Scrollar a dretga