Las fatschentas cun ascensurs e stgalas rullantas da Schindler stagneschan. L'onn da fatschenta 2020 saja la valita da las empustaziuns sa reducida per 9%. Quai scriva il concern svizzer en ina communicaziun.
La svieuta che Schindler ha fatg l'onn passà munta a 10,6 milliardas francs. Quai èn var 5 pertschient pli pauc ch'il 2019. Il gudogn da 615 milliuns francs è in zic pli auts che quel da l'onn avant. Il meglier sajan stadas las fatschentas cun la China.
Prognosas positivas
Per il 2021 vul Schindler augmentar la svieuta per fin 5%. Il concern guarda dentant optimistic en il futur. Pli tar il 2022 saja la branscha da construcziun puspè sin il nivel normal, quinta Schindler.