Siglir tar il cuntegn

Header

mir da fermada.
Legenda: Dus terzs da l'energia vegn producida en ovras idraulicas grondas. Keystone
cuntegn

Svizra Mix d'electricitad è vegnì pli verd

En Svizra vegnan trais quarts da l'electricitad dad energia regenerabla. Il mix d'energia è pia vegnì pli verd, mussan las cifras dal 2018 che l'Uffizi federal da statistica ha preschentà.

D'engraziar saja quai cunzunt a la forza d'aua, en spezial a las ovras idraulicas grondas. Lezzas hajan furnì dus terzs da tutta electricitad. 17% da l'electricitad che vegn ord la bischla vegn da l'energia nucleara e radund 8% derivan da las energias regenerablas sco forza dal sulegl, dal vent, biomassa ed ovras idraulicas pitschnas. Ulteriuras pitschnas parts da l'electricitad vegnan da rument ed energias fossilas e tar 6% n'èsi betg pussibel da controllar la derivanza e cumposiziun da l'electricitad.

Sco l'Uffizi federal da statistica scriva vinavant han surtut las ovras idraulicas grondas (+5,5 puncts procentuals) e la forza nucleara (+2,2 puncts procentuals) registrà ils pli gronds augments cura ch'i va per l'electricitad furnida. La cumpart da l'energia da sulegl, vent, biomassa ed ovras idraulicas pitschnas n'è strusch s'augmentada.

Ord l'archiv

video
Co fissi sche Cuira n’avess betg pli electricitad?
Or da Minisguard dals 22.06.2019.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga