Siglir tar il cuntegn

Header

Autohandel in der Schweiz
Legenda: Keystone
cuntegn

Mobilitad Martgà d'autos creschì per passa 10% il 2023

Il martgà d'autos en Svizra è creschì cleramain l'onn passà, cumpareglià cun il 2022 cun in plus da passa 10%. Da las immatriculaziuns d'avant la pandemia da corona sajan las cifras dentant anc lunsch davent. Quai communitgescha l'associaziun d'importaders d'autos.

Il 2023 hai dà en tut 252'214 novas immatriculaziuns d'autos da persunas. Ils onns avant la pandemia eran quai en media mintgamai radund 300'000 registraziuns.

La culpa da quest onn d’autos plitost flaivel saja stà la situaziun da dumonda bassa. Spezialmain chasadas privatas sajan sa retegnidas fermamain ils ultims dudesch mais tar la cumpra d’autos, hai num vinavant.

Per l'onn nov quinta Auto Svizra d'in ulteriur augment dal martgà. La marca da 300'000 immatriculaziuns novas restia dentant era il 2024 ordaifer la sfera d'influenza.

audio
Per tadlar: las novitads da las 16:00
ord RTR Audio dals 03.01.2024.
laschar ir. Durada: 2 minutas 21 Secundas.

RTR novitads 16:00

Artitgels legids il pli savens