Siglir tar il cuntegn

Header

cuntegn

Moutier – da Berna al Giura Las modalitads per la midada da chantun èn regladas

Uss èn las davosas modalitads per la midada da Moutier dal chantun Berna tar il chantun Giura regladas. I va per pajaments or da la gulivaziun da finanzas tranter Confederaziun e chantuns. Las duas regenzas chantunalas èn tranter auter sa cunvegnidas che Berna paja ils proxims sis onns en tut 76 milliuns francs al chantun Giura. Il sboz dal concordat va uss en consultaziun. L'atun dal 2024 sto il suveran dals dus chantuns dar ses consentiment. Planisà è ch'il transfer da Moutier da Berna tar il Giura succeda cun l'entschatta dal 2026.

Il mars 2021 avevan radund 55% dals abitants e da las abitantas da Moutier vuschà per la midada dal chantun Berna al chantun Giura.

Il chantun Giura è vegnì fundà 1979 cura che la part franzosa dal chantun Berna è sa spartida dal chantun. La part dal sid dal Giura Bernais è dentant vinavant stada part dal chantun Berna. Tranter auter era Moutier. Gia dapi lura hai adina puspè dà stentas da midar tar il chantun Giura.

RTR novitads 18:00

Artitgels legids il pli savens