Usché ditg che l'obligatori da certificat è activ, duain era ils tests da corona restar gratuits, manegia la PPS. Cunzunt per giuvenils e persunas cun pli paucs daners saja ina sfida da pajar sez ils tests, uschia l’argumentaziun.
Igl è ina proposta che survegn er sustegn da las autras partidas. Ils Verds pretendan gia dapi emnas ch’ils tests restan gratuits. Uss vegn il sustegn er da represchentants da la PS, il Center e la PPS. Sulettamain la PLD n’è betg persvadida da questa opziun.
Prioritad numer in, tenor il president dal Center, Gerhard Pfister, restia da distgargiar ils ospitals.
Perquai sto l'acceptanza dal certificat da Covid vegnir augmentada. Perquai dovri tests gratuits.
Ord l'archiv:
Tge che capita dal test da corona enfin ch'in survegn il resultat, ha RTR retschertgà l'october da l'onn passà.
audio
Il proceder dal test enfin tar il resultat
ord Actualitad dals 28.10.2020.
laschar ir. Durada: 2 minutas 41 Secundas.
