Las autoritads da cyber da la Confederaziun han admonì 130 vischnancas ed interpresas svizras da serrar las largias da segirtad tar lur programs da computer. Criminalas e criminals possian explotar questas largias. Gia l'onn passà avevan las autoritads admonì passa 4'500 vischnancas ed interpresas – radund 3% n'avevan dentant betg reagì sin quai.
Concret manchia tar servers da «MS Exchange» in update da segirtad. Cun quai program pon ins organisar e-mails, termins ed era contacts. Il problem saja gia enconuschent dapi l'entschatta dal 2021.
