Siglir tar il cuntegn

Header

cuntegn

Muncanza d'energia Guy Parmelin sa defenda cunter critica

Il Cussegl federal haja fatg memia pac pertutgant la crisa d'energia – pretendan represchentants da l'economia e partidas. Quai na lascha Guy Parmelin sco minister d'economia dentant betg valair.

Il minister da l'economia – Guy Parmelin – sa defenda cunter critica, ch'el fetschia memia pauc davart la crisa d'energia imminenta ed ils pretschs d'energia che creschan. Dapi l'entschatta settember discuteschia il Cussegl federal cun ils chantuns ed il sectur economic davart pussaivlas schliaziuns.

Quai è il motiv pertge che nus avain fatg ina maisa radunda. Per vesair tge pussibilitads ch'i dat per l'economia, las associaziuns ed ils chantuns ed els han gia uss fatg bler.
Autur: Guy Parmelin Minister d'economia

Ils precis d'energia e gas che creschan fan quitads ad interpresas e procuran per malsegirtads era tar privats. En la situaziun actuala è Guy Parmelin responsabels per dus champs parzials: per il provediment dal pajais e da l'economia. El è pia quel che dirigia la crisa sche quella ha lieu e pren decisiuns davart mesiras da sustegn.

Tenor Parmelin na dettia dentant nagin spazi finanzial per sustegnair manaschis ch'an problems pervi dals auts pretschs d'energia. Ultra da quai ha el appellà la populaziun da cumprar ieli uschè ditg che la logistica funcziuneschia anc.

RTR novitads 17:00

Artitgels legids il pli savens